好燒味 (已結業)

我真係第一次喺openrice留言, 諗住佢收得咁貴, 應該好好食啦, 就用咗69蚊買咗個 慢煮叉燒貴妃雞脆皮燒腩仔飯, 我已經晨早whatsapp咗佢哋 幾點去拎, 去到畀完錢都仲係要等， 都算啦… 返公司一打開盒飯， 啲同事都話盒飯好細， 都算…當減肥… 點知一食落去， 唔可以話佢啲飯係凍嘅， 不過成盒連埋啲肉都係唔熱㗎囉， 再者我真係食唔到叉燒同埋佢所謂嘅"慢煮"叉燒有咩分別囉！！ 佢啲叉燒仲衰過去大家樂食嗰啲， 又硬又凍， 係得兩舊比較好食啲有肥肉… 啲雞勁少，雞皮多過肉，又鹹… 個脆皮燒腩仔叫做正常啲囉， 不過其實都係普通燒肉… 所以我絕對唔會再幫襯囉… 不過我見到午市都幾多人去買… 我就真係唔知係我唔好彩定係乜啦… 成七十蚊一個飯， 仲要唔好食… 大家食之前諗諗佢…