友口馥 (已結業)

之前因為排隊效應有幫襯過，充滿期待咁等左半個鐘先等到個紫米砵仔糕。但原來只係好普通既街邊貨色，冇米香，冇紫米味，口感差。佢有好多口味好似比起平時食既多選擇，但食落口根本就冇佢聲稱果種味真心唔知自己食緊咩！而且價錢仲要比起其他鋪頭貴幾倍，地點又唔就腳，要專登入去先食到。我仲留意到佢連堂食都用即棄餐具，非常不愛護環境！唯一可取既地方呢，就係個砵仔糕夠熱囉，但等左半個鐘整出黎喎，唔熱都難啦！食過一次之後既結論就係：名過其實，甚至比平均水準還低，冇下次！