秋田浜燒食堂

营业中

休息中

上次食過依間海鮮浜燒，一直都想試多次，今次又再食多次依個京都二人前。今次繼續有一手抓赤蝦嘅活動，隻隻肥美，拎咗去浜燒，炭香撲鼻，蝦肉爽甜。雞泡魚干偏甜，微微嘅黏牙，燒得夠香，魚香，下酒菜一流。刺身五點有三文魚、油甘魚、甜蝦、池魚同左口魚。左口魚有特別配製嘅酸汁，清爽可口；油甘魚肥美油嫩，甜蝦甘甜，池魚油香細緻，整體刺身新鮮鮮美。燒北寄貝酒香，肉質鮮美。甲羅燒膏香，夾雜住蟹肉，放上脆卜卜嘅米通，香口之餘又令到口感冇咁膩。鮑魚用牛油燒香，口感彈牙，肉質鮮嫩。帆立貝清甜，啱啱好燒熟嘅程度令依種甜味更加出眾。黑松露茸野菌箔燒，黑松露非常的香，菌熟軟嫩。另外我哋嗌咗明太子茶漬飯同海鮮雜炊，兩個都十分清甜可口。最後嘅抹茶雪糕茶濃奶香，劃上咗依一餐美好嘅句號。