冰室99 (已結業)

平時喺屋企煮牛尾煲好耐都覺得唔夠腍，呢度嘅紅酒燴牛尾($78)就煲得夠曬透徹，牛尾食落肉質軟滑加上骨肉間嘅脂肪，肉味迷人，紅酒蕃茄更提起鮮味，醬汁送飯一流。威靈頓牛柳 $188 酥皮包裹厚切牛柳，香酥外層不但美味，更能鎖住肉汁，咁厚嘅牛柳切開一D都唔會韌，肉味香濃。套餐包括薯菜、餐湯、丹麥酥，不得不大讚呢丹麥酥，剛剛烘起夠熱又鬆化，令人回味無窮。點套餐揀飲品以正價減$10計算。雪糕紅豆冰、黑牛嘅係飲品亦係甜品，正！