八月堂 (已結業)

屯門新開左間「八月堂」，胃食既我，就即時試新野，我買時，有買5送1添，抵！————先講最基本既牛角包，真係好鬆脆，放左一段時間都唔會淋左。————屯門店限定係「松露白醬蟹味」：松露配白醬，好味呀！蟹柳既味就唔太出，可能松露味太出了。木乃伊：有少少朱古力味。炙燒明太子：咬落口，裡面唔係滿滿明太子，只係薄薄一層，初初以為咁少明太子，但原來食食下，覺得薄薄地係岩架，因為會覺得越食越咸。覆盆子奶酪：內裡有4分3既覆盆子奶酪，食第一啖，我覺得酸左啲，仲越食越酸～香濃起司：芝士味濃，食後仲有餘香～朱古力：真係有無攪錯呀！咁好食既，除左個牛角包係朱古力之外，裡面都有朱古力軟心，食落口，好有brownie既味道，但係脆口鬆軟版，係一食難忘