宜豐餐廳 (已結業)

呢間餐廳其實係我同男友o既 "飯堂" 之一~ 想食扒o既時候一定會揀佢~ 皆因佢份量夠...又抵食~ 又唔駛食得好趕~ d待應姐姐服務都幾好~ 可以慢慢嘆~ 好記得奧運期間去過一次...o個陣全間餐廳o既食客仲一齊睇電視直播中國女排~ 好有氣氛ga~ 不過早d去就好d...通常我地7點前去都會有卡位坐...8點鐘左右門外就會有好多人o係度等位...我地覺得最好味都係吉列豬扒~外面炸得好脆~ 切開又有肉汁~ 又唔係好油膩~ 叫一份吉列豬扒餐有兩塊好似塊面咁大o既豬扒~ 男仔夠食有餘~ 唔夠o既話再加飯or意粉都可以~ 仲有...佢個羅宋湯係好好味ge~ 餐包又夠熱~ 叫兩個餐...食到好飽...埋單都只係$130蚊~ 真係好抵~ 補充一下...除o左吉列豬扒...有一個有釀蟹蓋o既餐都唔錯ga~仲有黑椒牛仔柳好 "林" 好好味~ 不過佢d餐o既薯條唔係分開上...所以如果係鐵板o既話就會 "林"晒...唔脆lor...