標榜食中國清真菜，都係食啲牛牛羊羊之類啦，咁余 ok 嘅，由其是見佢好似都對自家嘅「爆汁牛／羊肉餅」頗為自信，就入去一試啦，
叫咗「兩牛一羊」：兩件牛肉餅 + 一件羊肉餅，右下方深色少少嗰件就係羊肉餅。個人當晚就其實好攰，味覺唔多靈敏，所以覺得啲嘢有少少淡口。
不過話又說回來喇，其實爆汁牛肉餅同羊肉餅煎得幾香口，外層夠脆，而且餡料都多，啲汁堅係會流出同爆出嚟，所以余覺得大家可以一試。
其實呢間嘢仲有其他嘢食，主要都係京菜同上海菜，相信嚟緊都仲有機會食吓其他嘢。
呢間店強調自己所選肉食都係 Halal（即係屠宰牲畜前係先頌經再用放血方式等隻動物流血流死），亦不忘出示名人食客相片合照，幾識做生意。
希望下次再有機會食呢間店後會出倒篇高質素少少嘅食評比大家睇啦，呢次真係有少少散亂，要改善！
