石磨坊 (已結業)

睇完戲，又唔係好夜，唔肚餓，只係口痕，當然最好就係食甜品啦~未去到但離遠二十幾米外見到石磨坊門口都有幾個人等位，本來要等就想調頭，但朋友拉住話要食燉奶，我話去義順囉~但朋友都係話既然黎到就唔差幾分鐘等一等，不過好好彩咁，當我地去到門口，0個幾個人就入得去喇~我話兩個，都可以即刻入唔駛等呢我朋友叫左燉奶，我就叫左朱古力燉奶，幾分鐘就上檯喇﹗朱古力燉奶0係第二度食過，但第一次見咁樣裝，係一個膠兜放入碗咁上，我諗緊呢樣係熱野，d膠會唔會釋出一d化學物質出黎呢?雖然係咁諗，但聞到陣朱古力香味，隻右手已經自動啟動，第一啖0既感覺係好滑，滑到好快就滑左落肚，第二啖先記得食清楚個味，唔~甜甜地，唔係太甜，幾好，為左延長呢種滿足感覺，我每一啖都細細的，最後三十六啖先食完，其中一啖係朋友0既~呢度人流好多，伙計姐姐d服務效率好高，同埋d音樂比較嘈，我都唔會留得太耐，要傾偈就唔多適合，所以今次都係口痕先黎。