泰象館

澳牛式服務態度＋茶餐廳式收款方式，但完全冇澳牛嘅食物質素。Book咗枱只係遲咗五分鐘，就不停打電話催。坐低之後全程提醒我哋8:30pm要交枱，叫我哋快啲食。個老細真係好kam，食飯都食得唔安樂 ，仲要受佢氣。仲要唔收信用卡，只收PayMe、八達通、Alipay同FPS，完全唔似一間正式餐廳。冷氣又唔夠，好焗。食物方面真係一般，炒通菜冇味、串燒又乾，完全唔值個價。附近有大把好食過佢嘅泰國餐廳，呢間真係又唔好食又冇禮貌，今次中晒伏，下次唔會再幫襯。