麥金.麥金馬來西亞特式茶啡室 (已結業)

疫情之下，已經甚少外出糖食，昨天天氣寒冷，差不多三點才去吃午餐，原先諗住買外賣返屋企食，但係喺餐廳見到只有兩台客，只係得三人，天氣咁凍，好想吃熱辣辣的㗎咉多和奶茶，所以就改為堂食😬本來想去深水埗另一間出名嘅馬來西亞嘢食，但係因為深水埗最近比較多確診數字，所以就改呢一間未食過嘅馬來西亞餐廳，佢哋嘅落餐係用二維碼落單，間餐廳環境十分乾淨，服務員很有禮貌，送餐速度快，喜出望外嘅係每一樣食物都非常好味，最鍾意食佢哋嗰個老鼠粉，唔會太乾同埋太鹹，有鑊氣👍🏻還有通菜亦炒得好出色，值得一讚嘅係奶茶同鮮牛油㗎咉多都係我哋翻叫在翻叫，二人食了三碟三杯，係一間有水準嘅馬來西亞餐廳。