倫哥尚品火鍋私房菜 (已結業)

初七人日又係老豆生日, 成家人去試食倫哥!先來個麻辣雞煲 , 小辣唔太夠辣亦唔夠香, 所以第二轉叫左中辣, 香好多及辣味夠D 食左一半加入魷魚、牛百業及豬皮, 索左D料好正!跟著來個刺身, 新鮮唔太覺有雪味, 蝦好大隻!再來個燉湯 , 足料夠味鮑魚花菇, 菇厚身, 鮑魚略為唔夠淋主角打邊爐... 龍蝦海鮮拼盤! 大部份海鮮都好新鮮, 而龍蝦及蝦有點唔太鮮, 有點"梅"...!鯇魚片係脆肉鯇, 部份人士要小心食!牛頸脊 正! 好有牛味唔硬! 其他食材都唔差! 但要題題牛丸及蝦餅樣個丸, 兩樣都唔食一口食佢, 外表係牛丸裡面係勁多芝士, 而蝦餅樣個丸裡面係千島沙律醬之類野!最後上埋, 牛奶蛋白燉燕窩, 好滑好香!整體上唔錯, 有汽水果汁任飲, 打邊爐野除左聖子、蚌、龍蝦/蟹及蠔其他都係任食, 唔錯選擇! 倫哥派即開利是, 我地抽到買6送1及$100現金卷, 滿心歡喜之際...原來星期日至星期三先用得! 勁失望...