度小月 (海運大廈) (已結業)

難得平日可以放假，揸架車去海港城行下街嘆下冷氣，商場竟然無咩人，行得好舒服又唔迫突然間好想食台式嘢，所以去咗度小月食個下午茶入到店，無咩人，可能係平日啦，裝修好靚，又有無敵海景，正啊，最低消息60元叫咗綜合丸湯，好味，有3粒丸，另外蚵仔湯，濃濃薑絲味，仲有豆腐做配搭台南芋餅，上面有鹵肉醬，下面鋪滿芋絲，好香滷水併盤有蛋，豬腸，雞翼，花生，份量好足啊最出色係條烤紹興香腸，多汁香濃又香口，每咬一啖都有肉香，必叫！