魚一壽司 (教育路)

营业中

休息中

今日放假朝早同老公去打完羽毛球，番屋企hea左阵，决定落元朗食个午餐再行千色店买野😁我同老公都想食日本野，于是上openrice揾下元朗有边d日本餐厅，见到呢间评价几好而且价钱合理，一于就呢度食啦😆餐厅地下有一排吧台位，服务员安排我地上二楼坐，差不多坐满人客，我地坐左最后一张台。由于午市时间，午市定食都有好多款，有丼、寿司、拉面都有，而且价钱真系非常大众化..除左定食外仲有好多其他款拣，多到我同老公都谂左好食咩好老公最后拣左天妇罗乌冬定食 $48，仲附送三文鱼豉汤同沙律，有虾天妇罗同南瓜天妇罗，上台时热辣辣，炸浆几脆虾算弹、南瓜好甜自选丼有甘多款刺身拣，我梗系吾会错过啦..我拣左剑鱼腩、三文鱼腩、油甘鱼腩、三文鱼籽同水母全部都系我既至爱@$124。刺身质素吾错，新鲜、特别油甘鱼同剑鱼腩质地爽口得来几甘香。三文鱼籽粒粒分明咬落卜卜爆开，捞埋D饭食正烧牛舌--我地两个食日本野都差不多必食的项目，呢度烧得刚刚好，吾会韧，香口，老公好快就食晒一串有头甘虾---老公话d虾好甘甜，而且两只虾都算大只、几新鲜呢度服务员服务几好，清理台面都清得好勤快👍🏻 而且非常抵食😆下次可以再来食晚餐。