影片
更多
2010-04-26
18 浏览
6點來到. 間間都係咁拉客, 但見金輝特別多人已食緊, 其他都好似未開波咁;心想海鮮都係 turnover 多才新鮮好食, 所以便坐下了.坐了樓上, 因出面係食煙區而地下舖已滿!有爆谷當小食, 真係第一次叫左168蚊餐. 食標準的算了. 好似乜都有, 先上的係炸賴尿蝦;3人餐有3 舊, 炸得好似幾燶咁... 又冇d 炸蒜...幾油, d 肉ok 啦, 但未算彈牙爽口. 合格咋.之後上的竟係海膽炒飯.唔油, 幾乾身, 但飯下面原來都不少海膽, 比想像中多, 也比張相多, 因好多在飯下面.呢味ok 噃.炒聖子係去左肉才炒的, 所以d 殼上係冇豉椒汁的.但也ok, 肉爽, 冇沙, 不錯了.蒸鮑魚仔一人兩隻, o岩好熟咋, 也ok 鮮味; 蒸瑤柱, 大叔話係西貢捉的, 當然支持香港人喇!一上, 見到一大住蒜蓉粉絲, 己大喜!!相信不少男男女女都係愛蒜蓉粉絲多過下面d 海鮮吧!d 瑤柱真係正, 勁新鮮, 肉爽脆, 推介!加上d 大pat 大pat 蒜蓉粉絲, 冇得頂!蒸魚係紅魚, 都幾大條, 剛離骨, 肉鮮, 一讚~都幾多肉呢.個龍蝦伊麵, d 汁好杰, 同d 伊麵撈唔埋/ 唔得平均.龍蝦都
心想海鮮都係 turnover 多才新鮮好食, 所以便坐下了.
坐了樓上, 因出面係食煙區而地下舖已滿!
有爆谷當小食, 真係第一次
叫左168蚊餐. 食標準的算了. 好似乜都有, 先上的係炸賴尿蝦;
3人餐有3 舊, 炸得好似幾燶咁... 又冇d 炸蒜...
幾油, d 肉ok 啦, 但未算彈牙爽口. 合格咋.
之後上的竟係海膽炒飯.
唔油, 幾乾身, 但飯下面原來都不少海膽, 比想像中多, 也比張相多, 因好多在飯下面.
呢味ok 噃.
炒聖子係去左肉才炒的, 所以d 殼上係冇豉椒汁的.
但也ok, 肉爽, 冇沙, 不錯了.
蒸鮑魚仔一人兩隻, o岩好熟咋, 也ok 鮮味;
蒸瑤柱, 大叔話係西貢捉的, 當然支持香港人喇!
一上, 見到一大住蒜蓉粉絲, 己大喜!!
相信不少男男女女都係愛蒜蓉粉絲多過下面d 海鮮吧!
d 瑤柱真係正, 勁新鮮, 肉爽脆, 推介!
加上d 大pat 大pat 蒜蓉粉絲, 冇得頂!
蒸魚係紅魚, 都幾大條, 剛離骨, 肉鮮, 一讚~
都幾多肉呢.
個龍蝦伊麵, d 汁好杰, 同d 伊麵撈唔埋/ 唔得平均.
龍蝦都ok 多肉, 也鮮味. 麵ok. 但d 汁又唔係芝士味, 似d cream 多d.
又勁杰....
最後上的炒西貢油菜, 正常.
真係西貢的菜? 係就好了, 支持, 支持! 因真係幾爽脆.
唔會係西貢炒的油菜咁解吧...
仲有生果, 係兩個橙, 又幾甜噃.
服務係冇的, 只得一個大叔一腳踢, 帶位落單執枱上菜埋單... 佢狂做斬甩晒轆.
雖冇加一, 但原來個爆谷及喬頭要$30.
即3人加埋$540.
論食物, 其實ok, 價都ok, 係人手不足, 辛苦了大叔
张贴
