摩登士丹里 (已結業)

今日天陰陰，終於有雨落，仲落出大雨來，聽講話落雨要飲黑糖珍珠，你地有冇聽過呢，我就冇聽過啦，不過都照飲 🤤-今次就試之前係位於屯門小夜市嘅士丹里，有唔少人叫窮豬去試，而家搬左去元朗好方便，頂左里喝果個位，有啲 sad 😢-先講甜品先啦，叫左兩款應該冇咁伏嘅食，#我最喜愛芋圓 $43，有三色芋圓，仙草、紅豆、珍珠、小丸子、紫薯蓉，珍珠小丸子正常仙草唔係好掂，冇乜仙草藥味，似係涼粉咁，三色圓咬落都係較硬，芋圓冇乜咬口，唔煙韌，一舊唔知點，生生地嘅 feel，地瓜圓食落仲更加冇咩味，紫薯圓直頭冇味，最慘係果球紫薯蓉，唔新鮮，食落仲酸酸地 😂-另外一款就係 #D24榴槤皇仙草芋圓，有球 D24 榴槤 _、芋圓、地瓜圓、豆腐花，豆腐花都 ok 嘅，似係 1 pack 買返黎果隻山水豆腐花果隻味 😂 芋圓地瓜圓都係一樣唔得，果球 D24 榴槤原來係榴槤冰，仲以為係肉，咬落去果刻真係破壞哂成件事 🤡-最後嘅主角 #黑糖珍珠鮮奶 $28，黑糖味係算合格嘅，但甜度真係 over 哂，可惜係珍珠都幾生下，個心未熟，而奶味又淡，真係 sorry，又一伏劣之物 😘-摩登士丹里元朗金源大廈地下 1 號舖