冰室99 (已結業)

一入商場，G floor行到尾，就見到呢間新開嘅99冰室，仲係試業中，餐廳裝修燈光光猛，播住九十至二千年代嘅勁歌金曲😆黎到嘅時係中午1點，剛好食lunch✨芝士焗肉醬意粉～用鐵鍋上，上枱嗰陣時候，仲係熱騰騰😍出晒煙，大大塊芝士係上面，焗得夠，每條意粉都沾上肉醬，夠均勻👍✨99鴛鴦扒～係豬扒同埋雞扒，有三款醬汁，我揀咗蒜蓉汁，成個汁都充滿蒜蓉碎，好足料惹味！兩個女就至愛攞啲汁，點下外脆內軟嘅薯角添😋煙三文魚凱撒沙律配多士～媽媽我就梗係要清淡，煙三文魚件件都卷到花型，賣相已經非常吸引，上面有芝士碎和少少麻醬，配上清新嘅沙律菜，夠爽口清新✨食完仲想食多碟😍