影片
更多
2020-02-24
528 浏览
香港第一間【CINNABON】除咗知佢美國出名之外，記得去泰國或者馬來西亞旅行嘅時候都見過呢一間CINNABON，但估唔到佢居然會喺奧海城到開業。去旅行嘅時候記得食過，印象唔係好好，因為真係好～甜。但係嗰日行完街，返屋企嘅時候經過見到佢試業，又唔洗排隊就支持下啦。你知啦，有新野喺香港唔試覺得好洩底㗎嘛，就算你一早係第二度已經食過。😀✌🏻可能未係正式開張嘅關係，店員都唔係好熟悉Menu，但係都好有心機解答我嘅疑問，答答吓個老闆仲走埋出嚟同我地介紹。之後，仲見到佢走去買兩打啤酒，個人都幾chill😂講返正題，嗰日吸引我就係下面呢盆野👇🏻仲要新鮮出爐喎，唔係唔買啊！呢個叫做【朱古力卷 Chocobon】老細極力推薦我哋即買即食，但而家始終都叫做有疫情，所以我就打包左返屋企食，佢再三叮囑我要一個鐘頭內好食左佢，佢話因為呢一隻係for你新鮮食，如果你想打包可以買另一款，但我堅持。😹跟住呢一款叫做【Roll-on-the-go】本身就係諗住買呢一個，因為佢將個肉桂卷切咗做一粒粒，可以用叉吉住食好方便。再另外叫咗杯【Cinnabon】嘅咖啡，講起有啲好笑，因為佢間野個Menu排版有啲難睇，所以我同店
除咗知佢美國出名之外，記得去泰國或者馬來西亞旅行嘅時候都見過呢一間CINNABON，但估唔到佢居然會喺奧海城到開業。
去旅行嘅時候記得食過，印象唔係好好，因為真係好～甜。但係嗰日行完街，返屋企嘅時候經過見到佢試業，又唔洗排隊就支持下啦。你知啦，有新野喺香港唔試覺得好洩底㗎嘛，就算你一早係第二度已經食過。😀✌🏻
可能未係正式開張嘅關係，店員都唔係好熟悉Menu，但係都好有心機解答我嘅疑問，答答吓個老闆仲走埋出嚟同我地介紹。之後，仲見到佢走去買兩打啤酒，個人都幾chill😂
講返正題，嗰日吸引我就係下面呢盆野👇🏻
仲要新鮮出爐喎，唔係唔買啊！呢個叫做【朱古力卷 Chocobon】老細極力推薦我哋即買即食，但而家始終都叫做有疫情，所以我就打包左返屋企食，佢再三叮囑我要一個鐘頭內好食左佢，佢話因為呢一隻係for你新鮮食，如果你想打包可以買另一款，但我堅持。😹
跟住呢一款叫做【Roll-on-the-go】本身就係諗住買呢一個，因為佢將個肉桂卷切咗做一粒粒，可以用叉吉住食好方便。
再另外叫咗杯【Cinnabon】嘅咖啡，講起有啲好笑，因為佢間野個Menu排版有啲難睇，所以我同店員都研究左好耐呢杯野叫咩名🥴係幾好飲嘅，真係好香玉桂味嘅咖啡，但都係甜咗啲。
買完我嗱嗱聲拎返屋企食，老細嗰句，一個鐘內好食晒大到我😳 【朱古力卷 Chocobon】都係太甜，但冇喺外國食咁甜咁，但其實都係一個比較簡單嘅朱古力麵包咁啦。反而，個【Roll-on-the-go】好好食，係好簡單嘅肉桂卷切左做一粒粒，我之後再返叮都仲好好食👍唔會太林或者太硬
之後再經過見都幾多人排隊，可能我會再買咖啡飲下嘅，希望佢可以出啲冇咁甜嘅版本啦～
🔸CINNABON🔸
📍大角咀奧海城二期地下G06號舖(Market place個邊）
▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸
🔱S指數🔱（滿分為5）
美味度：👅👅👅
打卡度：📸📸📸
裝潔度：✨✨✨✨
回頭度：😍😍😍
店員態度：✅✅✅✅
------————————-
總推薦度：💓💓💓💓
▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸
张贴
