影片
更多
2018-01-05
380 浏览
自從暑假去過一次Crazy Car Cafe後，小朋友就一直念念不忘，係咁扭叫我帶佢再去玩過！今日見都得閒，咁就破例喺平日帶佢出去玩一次喇！Crazy Car Cafe分左三個時段，每個時段入場要收場費，大人，小童，兒童各不同，再加每人都有最低消費，而且要每人點餐一份。不過入場後，你就有2.5小時可以任玩賽車！真係興奮到不得了，一入去就衝左去排隊玩賽車。只要你玩完一場，就可以再排隊玩下一場，每次只可以登記一場！而最令我驚喜嘅係有大車呀！暑假黎玩時只有細車同類似BB玩嘅電動車，今次竟然有大架啲嘅車，好適合大人玩呀！我同朋友都即刻排隊玩大車！刺激過細車好多，而且個位又大啲，坐都坐得舒服好多！另外，玩之前小朋友一定要著好成套保護裝，有頭盔，手腳護膝，非常安全！再配合埋職員喺玩之前嘅詳細講解後就可以開車玩！啲小朋友好開心咁衝左出去喇！有幾次揸得太快，撞到側邊啲呔，職員都非常細心，即刻揸架車過去幫佢！甚至有一次原來阿仔架車壞左，停左喺賽道，職員都即刻過去拖走佢同架車，另外再安排一架俾佢玩！真係要讚下佢地嘅細心之處！講到食物方面，我一早叫定野食等玩完可以即刻食！瘋狂炸雞翼好香好脆，不過略嫌炸漿太厚
Crazy Car Cafe分左三個時段，每個時段入場要收場費，大人，小童，兒童各不同，再加每人都有最低消費，而且要每人點餐一份。不過入場後，你就有2.5小時可以任玩賽車！
真係興奮到不得了，一入去就衝左去排隊玩賽車。只要你玩完一場，就可以再排隊玩下一場，每次只可以登記一場！
而最令我驚喜嘅係有大車呀！暑假黎玩時只有細車同類似BB玩嘅電動車，今次竟然有大架啲嘅車，好適合大人玩呀！我同朋友都即刻排隊玩大車！刺激過細車好多，而且個位又大啲，坐都坐得舒服好多！
另外，玩之前小朋友一定要著好成套保護裝，有頭盔，手腳護膝，非常安全！再配合埋職員喺玩之前嘅詳細講解後就可以開車玩！啲小朋友好開心咁衝左出去喇！有幾次揸得太快，撞到側邊啲呔，職員都非常細心，即刻揸架車過去幫佢！甚至有一次原來阿仔架車壞左，停左喺賽道，職員都即刻過去拖走佢同架車，另外再安排一架俾佢玩！真係要讚下佢地嘅細心之處！
講到食物方面，我一早叫定野食等玩完可以即刻食！瘋狂炸雞翼好香好脆，不過略嫌炸漿太厚喇！西班牙磨菇汁雞扒飯件雞扒好大，炸到外脆內軟，啲雞肉仲好嫩，配合個磨菇汁好香好夾！
美國安格斯頂級肉眼扒都唔錯，要求左7成，切開都見符合要求，件扒仲要超大塊，夠曬三個人食呀！
野飲方面，芒果沙冰一黎到我未影相，已經俾小朋友偷飲左，不過佢話好好飲，好有芒果味！我自己就叫左杯荔枝梳打，正常味道，不過好多冰都細杯左少少，好快就俾我飲曬！
結果一路玩一路食，小朋友起碼玩左五次以上嘅賽車，真係樂而忘返！我諗佢好快又會叫我再帶佢去玩架喇！
张贴
