炑八韓烤親子餐廳

营业中

休息中

星期日女女唔洗番學，約埋幾個朋友仔一齊去玩，呢到大人有大人燒嘢食，小朋友自己有個天地玩。入面都有幾多玩具，男仔女仔都岩玩，絕對唔會悶。小朋友叫左個兒童餐比佢，企鵝泡泡浴，好得意，蕃茄味濃，味道唔會太咸，非常適合小朋友。我地決定叫最近推出個三色五花肉韓牛味蕾補完套餐，有三色五花肉，牛舌，牛小排，鰻魚，韓牛前胸肉，冷麵。三色五花肉係青醬，辣醬，醬油味，肥瘦適中，肉嫩多汁。牛舌我最中意，口感爽脆，有咬口。牛小排，肉味濃郁，油脂豐富，好好食。鰻魚，而家係當造，肥美肉質嫩滑，店員幫我地燒埋，外皮燒到脆卜卜。水冷麵，份量多，有青瓜同梨好清新，可以解下膩。