旺江南拉麵小籠包 (已結業)

見到團購有優惠，75蚊買150蚊既現金劵，覺得幾抵，所以買左2張試下。

BOOK位BOOK左成星期先BOOK到，日日都話FULL喎。

買團購時都知要另外俾茶錢同埋個小食，都算，但個小食就係唔係咁好味，比較淡，賣相都係一般。

被逼食既小食

之後叫左個雞絲粉皮，味道OK，可惜分量太少，食完同無食無咩分別。

雞絲粉皮

最後終於到主菜，我叫左個酸辣湯麵，而我朋友就叫左嫰雞湯麵，大家SHARE食，2個湯麵都算OK，個酸辣湯真係值得一讚，夠濃又入味，唔會水，同埋係酸辣味適中，飲落好正宗。

嫰雞湯麵/酸辣湯麵

甜品叫左個豆沙鍋餅，呢個真係最好味，可惜唔記得左影相。

至於環境方面，位係比較難訂，同好嘈同多人，除此之外整體黎講都算唔錯。