丼瀛 (已搬遷) 新店位置

前排朋友推介，话呢间黄店又好食又抵食，今日咁岩又系观塘，决定嚟支持下。而家间舖抗疫有做promotion，部份精选食物有七折。入到去店内环境干净同阔落，侍应都好好服务，一坐低即刻斟左杯热茶俾我哋。🍱刺身丼听讲呢间嘅刺身丼都几出名，循例嗌一碗试吓。出到嚟比预想中大份，刺身食落去新鲜，啖啖肉，依家仲要做紧七折先$100松啲，好抵食。🍣卷物有见到OpenRice人哋影𠮶啲卷物都好吸引，叫左一份黎试下。出到黎劲大份，面头三文鱼加埋天妇罗虾同埋个酱汁mix埋一齐劲juicy，好食！🐟烧靖鱼呢个系惊喜！平时喺街外食嘅烧靖鱼都预左系急冻鱼，会有少少干干地。但系呢个食到新鲜鱼味同埋好Juicy，同埋唔知点解比起正常餐厅食要大条d。🍢烧鸡软骨正常餐厅水准。🍢明太子烧玉子呢个都好吸引。食落去有好浓郁嘅明太子香味，再加上芝士，同块玉子好夹。食完呢餐好满足，尤其是好耐都冇食过咁好食嘅卷物同埋烧靖鱼。呢餐埋单都唔洗$400，好抵食。下次一定会再嚟帮衬。