喜咖哩 (已結業)

呢排好中意係屯門搵小店試，喺景峰輕鐵站附近，就見到呢間日式小店啦～呢間小店裝修都好日本風， 到咗夜晚七點幾就開始多人啦～好彩我六點幾到果陣唔洗點等~我哋嗌咗佢兩個招牌菜，分別係野菜咖哩牛肋肉飯同埋蕃茄湯豬頸肉螺絲粉，呢到既晚市都真係幾抵 咖哩牛肋肉飯$59呢個咖哩汁同日式咖哩汁唔同，有日式咖哩汁嘅味道，亦都有少少辣味，同時都見到有檸檬葉等等嘅香料 。 我自己就好鍾意有少少辣嘅咖哩，所以都好鍾意呢個咖哩汁嘅味道呀。牛肋肉嘅份量好多、好鮮味、唔會好騷、炆得好淋，再加上濃濃既咖哩汁，好正呀。蕃茄湯豬頸肉螺絲粉$49 糖心蛋+$5先講講個湯底，真係鮮新鮮嘅番茄熬製而成，成碗都見到好多番茄粒，而且同出面唔同，係冇茄膏既味道架~雖則係鮮茄而且冇加茄膏，但係湯底既味道都好夠呀~豬頸肉係酸酸甜甜既味道，而且係內脆外軟，好開胃~忍唔住係咁食食食。至於個糖心蛋，係原粒咁上，一咬開好驚喜呀~係煮得岩岩好架~氣炸餃子 $28 (隻)餃子炸得好脆、好香口，而且係用氣炸，真係健康好多架~另外我覺得配上咖哩汁真係無敵呀～超級推薦