韓閣 (富裕樓) (已結業)

一直認為韓國嘢喺香港一定係貴，因為食住度韓潮，貴都大把人食。直至我認識到韓閣，先知韓國菜可以又抵又好味。今日放工終於去好好享受咗一返。🇰🇷一坐低，都未點菜，店員就先送上前菜：泡菜及芽菜👍🏻。🇰🇷牛骨湯配飯 牛骨湯用牛肋骨，加入紹菜，翠玉瓜，大蔥及蘿蔔等淆製。牛肋骨份量充足，又夠大件，牛味豐富肉質鮮嫩 ，牛骨湯清甜而唔油膩。🇰🇷鐵板辣醬雞加芝士落左辣醬嘅雞肉少少辣但甜甜地嘅，煮到好香，旁邊圍滿咗芝士，俾客人撈埋一齊食，拉絲芝士平衡咗辣味，又唔會好咸，最開心嘅就係食到最後一啖仲係熱㗎！🇰🇷水梨牛展水冷麵 真係超級推薦呢一個嘅水冷麵！牛展厚薄程度啱啱好，咬落都幾軟稔。真正係蕎麥凍麵超級有咬口又彈牙！加埋又甜又脆嘅雪梨同青瓜，十分清新！🇰🇷脆爆炸雞翼 蜜糖芥未味個醬好有層次！蜂蜜甜甜地配上芥末有少少辣，好開胃。炸雞厚身，外脆內滑，雞肉嫩口。🇰🇷真露soda炸雞點都要配返少少酒精。呢個soda夠甜又唔會太多酒精，好啱女仔飲！總結，餐廳環境舒適，係我最愛嘅工業風裝修，並貼上好多韓文poster，令人感到處身於韓國。食物全部大份得嚟有質素。真係又抵食又好食呀😋😋！