影片
更多
2021-05-18
111 浏览
依間係最近先開嘅餐廳，都幾多人去排隊食，佢嘅野食都幾平同抵食，令人想同屋企人一齊試下。仙氣冰鎮咕嚕肉係依間餐廳其中一個招牌菜，做得招牌一定有佢過人地方。佢真心對得住佢仙氣嘅名，一上到黎就出曬仙氣，好值得影下相。佢食落都好好味，咕嚕肉食落又凍又熱，外表係凍，而裡面就熱辣辣，口感好正，可以叫佢冰火肉。平時蜜汁多數都係配叉燒，今次試下蜜汁燒豬頸肉，佢同叉燒一樣好味，入口香甜美味， 而且豬頸肉爽口帶油香，係另一番風味。平時出街食嘅乾炒牛河都好油，令人好卻步，但依碟頭抽乾炒牛河唔會炒到好油，但都帶到乾炒牛河嘅好味地方，有鑊氣同夠味，而且都幾乾身，牛肉食落幾淋。櫻花蝦臘味煲仔飯都係好值得一試，好耐冇食過煲仔飯，整體黎講係幾好味。佢嘅飯甘香而口感偏硬，好適合做煲仔飯嘅飯底，配料都好夠味，櫻花蝦同臘腸非常香，配上甜豉油更加有鮮味。講真個句，依個價錢，西蘭花炒青衣球都算幾抵食，佢用嘅青衣球食落唔似平貨，魚肉食落幾彈牙，份量都算幾多，食到一塊塊嘅魚片，肉質唔會鬆散。睇到menu上嘅脆脆鳳尾蝦多士好吸引，而且係屋企好難整到蝦多士，所以就點左依個餸。上到黎就比佢嘅外表吸引，佢嘅底係炸麵包，係新鮮炸好，好鬆軟同
仙氣冰鎮咕嚕肉係依間餐廳其中一個招牌菜，做得招牌一定有佢過人地方。佢真心對得住佢仙氣嘅名，一上到黎就出曬仙氣，好值得影下相。佢食落都好好味，咕嚕肉食落又凍又熱，外表係凍，而裡面就熱辣辣，口感好正，可以叫佢冰火肉。
平時蜜汁多數都係配叉燒，今次試下蜜汁燒豬頸肉，佢同叉燒一樣好味，入口香甜美味， 而且豬頸肉爽口帶油香，係另一番風味。
平時出街食嘅乾炒牛河都好油，令人好卻步，但依碟頭抽乾炒牛河唔會炒到好油，但都帶到乾炒牛河嘅好味地方，有鑊氣同夠味，而且都幾乾身，牛肉食落幾淋。
櫻花蝦臘味煲仔飯都係好值得一試，好耐冇食過煲仔飯，整體黎講係幾好味。佢嘅飯甘香而口感偏硬，好適合做煲仔飯嘅飯底，配料都好夠味，櫻花蝦同臘腸非常香，配上甜豉油更加有鮮味。
講真個句，依個價錢，西蘭花炒青衣球都算幾抵食，佢用嘅青衣球食落唔似平貨，魚肉食落幾彈牙，份量都算幾多，食到一塊塊嘅魚片，肉質唔會鬆散。
睇到menu上嘅脆脆鳳尾蝦多士好吸引，而且係屋企好難整到蝦多士，所以就點左依個餸。上到黎就比佢嘅外表吸引，佢嘅底係炸麵包，係新鮮炸好，好鬆軟同酥脆，佢面頭係一隻大蝦，食落好爽口，配上沙律醬就一流。
估唔到依間餐廳有好多甜品可以食，同出面甜品店嘅選擇差唔多，可以食完晚餐，係同一間餐廳直落甜品。依碗芋圓紅豆沙湯丸湯水幾好味，佢芋圓嘅份量都好多，食落好彈牙同煙韌，紅豆沙係用陳皮一樣煲，入口軟腍，清甜中帶果皮香。
张贴
