影片
更多
2021-10-25
1168 浏览
朋友話佢樓下新開，叫我地去試下地方比較細，我地係坐舖頭出邊巷仔，天氣涼咗幾舒服又唔驚一身雞煲味叫咗辣雞煲，上黎已經幾驚喜原來係炸過既，雞皮炸到好香口，唔太辣，份量又好多三個人食到一半驚太飽，直接進入邊爐環節（提醒返雞真係要夾出黎，喺煲入面個湯唔會濃啲，但啲炸過既雞吸完湯好奇怪🤣）邊爐料有牛有海鮮有菜，牛都係正常水準，對得起價錢有突；海鮮我覺得蜆同魷魚ok，有魚卜好驚喜，全部唔腥，幾新鮮，不過據朋友話蝦有啲梅；蝦滑墨魚滑都好食，其他都係正常邊爐料啦話說我地一直好多要求，又要嗌酒又換筷子又加湯加辣（我食得比較辣，個雞又無乜醬），有個姐姐一直幫我地拎野，快手之餘仲要幫我地睇埋幾時加湯，我忍唔住感嘆咗句：“未見過任食啲人咁好服務……”姐姐（賢姐）路過聽到：“咁你要上網幫我俾個like啦！”OK收到！埋單人頭唔洗二百，但餐飯真係食得好開心🤣🤣🤣
朋友話佢樓下新開，叫我地去試下
地方比較細，我地係坐舖頭出邊巷仔，天氣涼咗幾舒服又唔驚一身雞煲味
叫咗辣雞煲，上黎已經幾驚喜
原來係炸過既，雞皮炸到好香口，唔太辣，份量又好多
三個人食到一半驚太飽，直接進入邊爐環節
（提醒返雞真係要夾出黎，喺煲入面個湯唔會濃啲，但啲炸過既雞吸完湯好奇怪🤣）
邊爐料有牛有海鮮有菜，牛都係正常水準，對得起價錢有突；海鮮我覺得蜆同魷魚ok，有魚卜好驚喜，全部唔腥，幾新鮮，不過據朋友話蝦有啲梅；蝦滑墨魚滑都好食，其他都係正常邊爐料啦
話說我地一直好多要求，又要嗌酒又換筷子又加湯加辣（我食得比較辣，個雞又無乜醬），有個姐姐一直幫我地拎野，快手之餘仲要幫我地睇埋幾時加湯，我忍唔住感嘆咗句：“未見過任食啲人咁好服務……”
姐姐（賢姐）路過聽到：“咁你要上網幫我俾個like啦！”
OK收到！
埋單人頭唔洗二百，但餐飯真係食得好開心🤣🤣🤣
张贴
