德豐打冷粉麵餐廳

营业中

休息中

前幾日放工之後，過奶奶屋企攞一攞嘢，再順便約左一個朋友去深水埗聚一聚舊，好耐冇見面了。月尾，糧尾期，不如搵個平d 嘅地方食野啦。去左德豐，地方大，又坐得舒服，啱晒我地傾計慢慢食。落單後仲好快有野食到，唔洗等好耐。我地叫左香煎蠔仔烙，亦係我鍾意嘅美食之一，好香，烤得好脆。另外，夜晚想食 d 飽肚嘢，叫左蠔仔粥，蠔仔夠juicy 又有蠔肉味。係呢度嘅必點之物，大家黎呢度可以試下，超級好味。朋友想試一試埋糖醋麵，味道唔錯，鹹鹹地，亦有d 甜味，食落唔算太油，可以一試。