秋月居 (已結業)

秋月居一向是九龍灣人的最愛，價錢OK，又好食，雖然談不上正宗，但係好啱香港人口味。名物燒玉子，玉子入邊有少少飯，上面有沙律醬，燒到好香，每次都一定要食兩件先滿足。叉燒豬軟骨湯拉麵， 味道OK。七味炸雞軟骨，香脆。三文魚壽司就一般啦，最好食係三文魚茶漬飯，個湯底勁香，清淡之餘又有特色。另外仲叫咗清酒煮蜆，明太子雞翼，燒牛舌，燒豬腩肉，全部都好食，不過太多冇影晒相。總結來講都係勁抵食，不過最差係要等位等好耐，因為入邊啲位好少，有時等唔到都會外賣！