金記冰室 (已結業)

我係金記的頭號朋友，經過荃灣就梗係要試下。呢到最唔同的地方就係可以加工海鮮，仲有最正嘅地方就係對面就係楊屋道街市，就係香港頭幾號出名平嘅街市。平海鮮加埋平加工費，超正。海鮮就最講火喉，手工。要剖嗰條魚，時間已經喺到。出到嚟食包剖包蒸，真係連薑葱都慳埋。呢條魚細細條，但多肉，肉蒸到剛好。魚就35蚊，加工28蚊，一共63蚊炸。薑蔥炒蟹加工先48蚊，唔講要剖拒，講個火喉，自己點炒都炒唔到。爆香嘅薑味，加葱加醬汁炒，味道剛好，再撈埋白飯食，好味道。海鮮外都要食個肉嘅，叫番我愛嘅雞煲。呢到嘅雞煲味特別，夠濃，又辣又麻，未開始煮已經芳香撲鼻，口水直流。建議快食，因為汁唔多，加湯個感覺又好似淡左，所以趁早食。除左我地之外，隔離張枱有成十幾個人食，成枱都係海鮮殼，食得好滋味。甘講真，自己買，可以揀到自己中意為止，再攞上嚟煮，都幾有樂趣丫，哈哈。