肥公車仔麵 (已結業)

今日全日唔係點食嘢，應該係話冇食正餐，所以黃昏好肚餓，收工去咗肥公車仔麵諗住食少少~ 差不多六點幾，去到已經排緊隊，呢間車仔麵好早就會關門，所以應該係最後一轉人龍！車仔麵又平又飽肚，已經幫襯過幾次！最緊要都係幾好味~ 佢嘅面類同餸分開計錢~但係都係好平！ 我最鍾意就係米線同河粉，但係今日就揀咗河粉，即場幫我整返熱~ 我叫咗腸仔，雞翼同埋豆粕，見佢嘅滷水雞翼整得好好味，所以就叫咗，如果唔係都會食豬腸～呢度要自己搵位，好多人都唔介意搭枱，可能坐得比較迫，都唔係好介意，超級好👍🏻佢嘅湯底鹹鹹地，我直情當湯咁飲，雖然就應該有味精架啦～ 河粉一般，幾軟身，但係下次叫都會叫返河粉🤣 最好食係雞翼，佢連入邊都係有滷水味，好入味，腸仔同豆粕就冇乜特別！純粹真係食完好飽肚，值得推介，平時得閒冇事我都坐入去食一碗👍🏻👍🏻