星期六放半晝，可以係區內悠閒咁食個lunch。記很之前睇過，依間既食評都唔錯，男朋友又鍾意食焗飯，就試下LA~
鋪頭間面細，裝潢簡單(得幾張摺枱摺櫈)，相比同一條街其他食店既間面真係好唔顯眼，上次行過都skip左。可能因為係星期六，差唔多兩點鐘，到既時候一枱客都冇。其實花小小心機，執執ｄ枱櫈，加ｄ小擺設，間面應該會別緻好多～
餐牌上面除左焗飯，仲有d大碗飯、公仔麵，焗飯就有差唔多三十款。我點左卡邦尼海鮮，男朋友就叫左芝士粟米魚柳，加兩杯凍檸茶。等左十分鐘左右，兩個餐就送上(又幾快手喎)﹕
1
魚柳大大舊，雖然係雪藏貨，但係都幾甜；芝士汁粟米夠多，但係芝士味就唔太濃。
1
卡邦尼既芝士味都係淡左ｄ，但係好足料，啖啖都有餸。
焗飯加飲品先係廿幾蚊，真係好抵食，下次要再試下佢個焗牛脷飯先
