花圖 (已結業)

尖沙咀海港城舊八月花位置開咗間新嘅型格中菜館，裝修非常有心思，好似去左50年代夜上海咁，門口已經好有氣勢又充滿神秘感！佢好細心咁分咗打邊爐區、小菜區同埋戶外區，每一個區都好有特色，可以打卡打一晚😍我簡左非常豐富嘅二人套餐，小菜有心思之餘，擺盆簡直令人驚艷！三道前菜有黑松露帶子餃、香草醬焗豚肉、桂花荔枝汁串茄，每一個都色香味俱全！爵士湯用咗個可有型嘅器皿裝，配料有齊花膠、螺頭、蜜瓜同龍蝦湯熬製，好香好入味😍主菜係胡椒蟹皇焗海蝦，蝦肉非常鮮甜彈牙，呢個煮法勁惹味!蔬菜都整得靚過人，娃娃菜包住唔同嘅菇菌，靚得來又好食！我最期待嘅龍蝦膏海膽炒飯，當然冇啦我失望啦，海膽令到成個炒飯又鮮又甜！椰汁芝麻糊配桔仔酥賣相真係又好味又啱打卡，椰汁配芝麻糊反而冇咁甜，我鍾意❤️兩杯mock tail 都好有驚喜，pear with needle茶味好有餘香，harbour GCO提子乳酸滲出少少椰子烏龍茶味，好清甜😍真係一餐非常滿足嘅fusion菜💕