花果飄零 (已結業)

今日行過旺豪坊，見到有間門面好似好pro咁既野飲鋪，行到過去見到有兩個好大既冰滴器，冰滴緊桂花。佢地飲品種類都幾特別，係好少係其他野飲鋪到見到，今次就叫左玫瑰烏龍配四季春茶凍同柚子桂花四季春。一路等緊野飲既時候，一路都聞到好香既茶味。見到店員每沖一杯茶都係會即刻用茶葉加熱水，再放落部機到壓啲茶出黎，唔似得普遍既茶飲鋪，沖定一大壺再放入保暖壺。睇得出佢地真係好有心機同誠意。如果想拎走唔係即刻飲，仲有個紙手挽，真係好得意又靚又方便。玫瑰烏龍配四季春茶凍平時愛玉就見得多喇，但係四季春茶凍就真係未見過。第一啖飲落去，濃濃既玫瑰花味充斥住係個口到，飲多兩啖仲有啲四季春茶凍，雖然四季春以茶凍既方式整成，但係味道一啲都唔啖！柚子桂花四季春桂花既味道係以冰滴萃取既方法提取，完全係耐性之作。因為有柚子既關係，最多只可以少甜唔可以走甜。第一啖飲入口，桂花既香味非常之重，完全係精華濃縮而成，再配合埋柚子同四季春，真係品嘗到多重既味道。