荳子 (海壩街) (已結業)

今日約左幾位朋友去荃灣行山,行山之前梗係醫下肚先,於是就揀左呢一間好出名嘅西餐廳啦!首先叫左一個黑蒜蜆肉帆立貝白酒意大利粉,賣相一流之餘,啲海鮮好新鮮非常好味,仲有種海產獨特嘅鹹味係啲意粉到,必食推介!我朋友就叫左個黑松露軟殼蟹意大利粉,佢話軟殼蟹好好食,依個意粉有啲黑松露同忌廉汁,味道非常之好!另一位朋友叫左一個蟹棒帶子凡立貝薄餅,佢真係冇叫錯,因為個個餅好大件,而且料好足,我地見到都流曬口水,仲分左少少呢食!然後我又有一位朋友叫左一個南瓜鮮蝦意大利飯,雖然就細碟咗啲,但係佢話好濃味好多汁,每粒飯都有啲南瓜汁包住,甜甜地非常可口!飲品方面,我地都係叫番啲簡單實際嘅飲品,例如咖啡,檸水等等,不過簡約之中都有可取既地方,例如我呢杯咖啡濃度剛剛好,又香又提神!