我愛慢煮 (孖沙街) (已結業)

已第2次黎慢煮，呢度比我感覺實在太好，價錢親民質素上乘服務良好，基本上冇咩野彈。上網睇原來開左第二間，同第一間普慶坊好近！今次再食，就試下呢間新，睇下水準有冇變先，順便可以食上次冇食既野！！法式豬鞍架上次點牛已經食到lamlam利，今次既豬鞍同樣令人驚喜萬分。肉質厚切堅實但唔會鞋，一d渣都冇，有好濃既豬肉味，面頭燒得香口，好食！法式油封鴨脾原來想叫既羊賣哂，店員介紹鴨脾，都好好食，兩隻實在好多，我同朋友一齊食都食唔哂，鴨油香充滿成個口，因為係脾肉，所以肉質嫩滑！齋肉點得，一定要叫下唔同小食，要了炸蕃薯條、雞翼同粟米花一開始比粟米花呢個名吸引左，但原來只係粟米！出奇的好食，個醬汁冇得頂，牛油中帶點芝士咸香，好好好好食！