青藏牛肉麵 (已結業)

過開北角攞蛋卷,順便揾間食肆午飯.上網看過資料,評這間食店中規中矩,不過不失,咪走去試吓囉,食過後,真係如網上食評一樣,一般一般啦!!詳細介紹如下:青藏牛肉刀削麵,牛肉質感超嚡,麵質有咬口,夠彈牙,湯底牛味濃但過鹹.青藏羊肉扁麵,羊肉算嫩滑,麵條雖軟腍,但也帶嚼勁,湯底同上一樣都係太鹹.煙鴨胸肉質算嫩,可惜味道同樣過鹹.香酥腐皮卷,香脆鬆化,配埋菜絲嘅餡料來食,化油膩,幾好味.葱油大麥餅,外脆煙韌,雖然葱味唔夠濃,但味道ok.紅棗桂元茶,得個甜字,飲唔出紅棗元肉味.枸杞菊花茶,聞到陣陣菊花香,幾清甜,味道幾好.