麻辣風雲 (已結業)

非正式統計，我同朋友每個月總會嚟麻辣風雲3-4次🤝🏼無他嘅，因為麻辣風雲真係好優秀，價廉物美，啲位又舒服好座，無理由唔幫襯喎👏🏼依個👉🏻麻辣拼盤有5款冷盤小食：拍青瓜、麻辣粉皮、海蜇、鴨腎、牛展金錢肚，全部都係我鍾意食，可以一次過食齊真好✔️👉🏻花雕醉雞亦都係必食，雞脾肉滑嘟嘟，雞皮爽彈，成隻雞酒味濃郁🍶然後介紹嘅👉🏻酸辣土豆絲調味平衡，酸中帶甜，後勁有少少辣但非常容易接受，土豆絲爽脆清甜，唔覺唔覺就清晒一碟🙈最後有👉🏻自選干鍋，揀咗牛肉餅、萵筍、凍豆腐、五花腩片，可以揀辣度，熱辣辣好惹味，嗌多碗飯食啱啱好👍🏻