潮福蒸氣石鍋 (已結業)

前幾日去潮福食過蒸海鮮后，我覺得唔錯就推薦比幾個朋友，點知佢地今晚就話要去試下，今晚我地揀左新蒲崗分店，上次我系單點，今日有四個人就不如試下套餐，有$298同$398套餐，我地揀左$298套餐，都幾多野食。粥底我地揀左排骨南瓜粥，首先第一個蒸嘅系生猛海中蝦，套餐系每人兩只，雖然話系中蝦，但都好大只，有手掌咁長，而且真系好生猛，放落去蒸嗰時仲識跳，肉質新鮮甜美，好Q彈。每人一隻象拔蚌仔，象拔蚌好細隻，但肉好飽滿，海鮮蒸系最簡單又可以體驗到海鮮鮮味嘅食法，雖然細但依然無減半點海鮮味，肉好肥美，都有啖啖肉嘅感覺，單點嘅話建議點兩隻，因為真系幾好味。人多一齊食飯就系好，每人四兩花蛤，加埋一齊就好多喇，只放左姜蔥除腥，同樣一樣咁鮮味，咁清甜。鮑魚同美國石蠔睇落系咪好有食欲呢？一人一隻，完全滿足唔到我地啊，因為兩樣都好新鮮，肉質都好靚，食一隻簡直系欲罷不能啊。最后到重頭戲，海鮮粥喇，雖然無落海鮮落去煲，但海鮮系用粥水嚟蒸熟，蒸嘅過程海鮮嘅精華都融入到粥入邊，咁多海鮮系一煲粥度，點可以唔夠鮮呢，一人兩碗都唔夠啊。