Barista Caffe (已結業)

同朋友仔食dinner，由於大家都0係灣仔，為方便(當然，朋友都話呢間ok)，我地繼續0係灣仔食dinner。由於夜晚office大多放曬工，成間cafe得我地一台客。我地點左兩個set—菠菜大蝦意粉同埋蜆肉腸仔天使麵。set包salad，加幾$仲有飲品，可以揀latte同其他不同款的咖啡(+$12有cake)。Salad的醋落得重手左dd，但都好fresh。蜆肉腸仔天使麵的味道醒胃，蜆肉、腸仔同菇都幾多；菠菜大蝦意粉比較清dd，菠菜夠健康，而蝦都幾大隻幾靚(雖然大家都明白係雪既)。我點左個gingerbread latte，雖然甜左dd，但薑味剛剛好。另外+$12要多個tiramisu，雖然係hea hea地，但都算抵既。唔知係唔係人少的關係，我覺得service唔錯，我地係咁叫姐姐幫我地寫野、加水、執野同影相，佢都仲可以保持笑容，亦都唔會催我地早d走等佢地可以早d收工。加埋都係$14x，呢個價錢+咁多野食(而食物都算唔錯)，真係幾抵。