影片
更多
2022-05-21
138 浏览
黎開觀塘，想係觀塘搵食心知假日觀塘都好熱鬧，為免同大迫，於是搵食行遠啲上到黎點半鐘，餐廳唔多人，但一入場就話限時90分鐘。心諗，我就係諗住可以坐耐啲先黎呢頭，點知都係限時。有個waitress 帶位，我坐低左，佢放低左張單粒聲唔出就走左。我仲諗住佢會拎個menu 比我，但我再留意下張單，原來有QR Code, 睇怕都係自己點單見到我最愛嘅carbonara就點左，submit 埋之後先發現果個唔係 carbonara，係泡菜煙肉。不過算啦泡菜我都ok嘅。。之後再睇openice 原來佢個台式燉牛肉意粉好食。不過點左就點左，同埋唔見佢個menu 有燉牛肉。再見到個tiramisu 幾吸引, 但諗住時間尚早，食左個意粉先啦。不過發現openrice 個menu 同而家個menu 好似好唔同，連個tiramisu 個shape 都唔同。其實剛剛坐低時已覺得熱，不過又未至於好熱，加上周圍啲位都好似差唔多熱。等個泡菜意粉時，食客陸續進場，大概7，8成滿啦。泡菜到左，賣相幾好，但份量好少，食左舊泡菜，好咸，意粉本身無事，都ok, 但每一啖泡菜，我內心就話，好咸，一啖一句。仲越食越熱，食到有啲冒汗（
心知假日觀塘都好熱鬧，為免同大迫，於是搵食行遠啲
上到黎點半鐘，餐廳唔多人，但一入場就話限時90分鐘。心諗，我就係諗住可以坐耐啲先黎呢頭，點知都係限時。
有個waitress 帶位，我坐低左，佢放低左張單粒聲唔出就走左。我仲諗住佢會拎個menu 比我，但我再留意下張單，原來有QR Code, 睇怕都係自己點單
見到我最愛嘅carbonara就點左，submit 埋之後先發現果個唔係 carbonara，係泡菜煙肉。不過算啦泡菜我都ok嘅。。
之後再睇openice 原來佢個台式燉牛肉意粉好食。不過點左就點左，同埋唔見佢個menu 有燉牛肉。再見到個tiramisu 幾吸引, 但諗住時間尚早，食左個意粉先啦。不過發現openrice 個menu 同而家個menu 好似好唔同，連個tiramisu 個shape 都唔同。
其實剛剛坐低時已覺得熱，不過又未至於好熱，加上周圍啲位都好似差唔多熱。等個泡菜意粉時，食客陸續進場，大概7，8成滿啦。
泡菜到左，賣相幾好，但份量好少，食左舊泡菜，好咸，意粉本身無事，都ok, 但每一啖泡菜，我內心就話，好咸，一啖一句。仲越食越熱，食到有啲冒汗（我食得辣，所以絕對唔係因為泡菜嘅辣）
食完成碟意粉，當然唔夠飽，諗住叫tiramisu，點知賣晒，命運就是如此。問問職員，原來佢地換晒menu, 所以openrice 果啲方型tiramisu同綠茶味都無左。
餐廳唔算好忙，但我搵職員都舉左十幾次手先有人啋我，有一次我同隔離枱一齊舉，個職員都係serve隔離果個，serve 完都係無理我，走左。
既然tiramisu賣晒，餐廳限時90分鐘，又熱到出汗，職員又無視我，睇怕都係命運叫我不宜久留，我走左落樓下Starbucks 飲啡坐下好過啦
张贴
