燒魂 (已結業)

📍尖沙咀 燒魂📍呢間位於尖沙咀嘅燒魂真係不得了，一次過可滿足兩個願望：又有得燒肉，又有得食刺身壽司！仲要係放題任食😍😍！燒肉：牛肉都好高質啊！有黑毛飛霜空降和牛，每片都好似雪花咁，油脂分布好平均，用嚟燒肉真係一流，啖啖美味。仲有牛舌片，易燒，唔會韌，爽口，有牛味，好食！壺漬牛肉粒都令人深刻，不用額外調味，好方便。當然唔少得牛裸肌，肉味較濃，簡簡單單配啲鹽已經非常好食！除咗牛之外，仲有豚肉片 & 雞肉。大推蜜運豚后肉，再叫一份生菜，燒肉燒到有微微焦香，熱辣辣時，點啲燒肉汁，配一塊生菜咁食，人生一大享受！雞肉就最雞孜然雞翼，燒咗好多隻😋😋😋！刺身都有幾款可以任叫：三文魚、墨魚、飽片、希靈魚、馬刀、甜蝦等等。大推三文魚同馬刀貝！可以喪叫😆😆😆！環境都舒服闊落，服務唔錯，值得一試。