PizzaExpress (威靈頓街) (已結業)

好多餐廳已經開始有聖誕menu麵包球聖誕樹🎄～PizzaExpress嘅麵包球一向都係兩個小朋友嘅至愛，今次見到呢個砌成聖誕樹形狀嘅，真係好特別，上枱一刻，兩個哇！咗出嚟😄。麵包頭質地keep住鬆軟，配上辣肉腸更加惹味。金文拔芝士燉牛肉薄餅🍕～燉牛肉好特別，入口軟滑，有牛味又夠淋，冇咩筋，小朋友都好容易食到，上面鋪滿脆烤過嘅羽衣甘藍，同牛肉好夾，冇咩苦澀味，更有一份清新感！薑餅人雜莓果醬芭菲🧁～薑餅人曲奇、紅和藍桑子、麵包球，成個造型好有聖誕氣氛，呢一個組合放喺雲呢拿雪糕上邊，沾上雪糕食，甜蜜又開心😃帶小朋友必備🙌🏻