影片
更多
2016-02-25
309 浏览
我的好友海洋公園姐姐要幫姨媽整野，她姨媽住大埔，拿2隻手去幫幫她，搞埋執埋都入黑了。她話請我飲2杯，諗唔到真係去飲...去到條街時間尚早，好多餐廳亦開門冇耐，要搵間野食飯都尚算容易。去到呢間野有熟悉的感覺，食野既人唔多，黎到就有位。藍白間既枱布，充滿希臘式情懷，加上坐餐廳外面，有種置身希國既感覺，卻忘掉大埔曾是傷心地。然要叫返杯啤酒啤啤佢，望到大大個poster印住” Hoegaarden Rosee”，睇落都幾吸引，就叫左呢杯試吓。飲落冰涼透心，望落有點粉紅色既桑梅味道清甜略帶酸澀，唔會好苦仲帶有點花香，雖然啤酒既酒精濃度唔高。“Grill Beef Short Ribs with Balsamic Sauce”牛排肉質結實，油脂分佈平均，烤既時間控制得好，切開見到裡面仲係粉紅色，唔會過生或過熟，能鎖住肉汁，口感爽又鮮甜，淋上酸甜既黑醋汁，開胃之餘亦提升左牛排既鮮味，底下既翠玉瓜及薯條雖然係配菜，但吸左牛排既油香及黑醋汁既甜酸後，同樣好食。食德國菜”德國咸豬手”唔少得吧，呢碟亦都係餐廳招牌菜，上枱時見到豬手肉色燒得好靚，外皮卜卜脆，肉質又嫩口，味道唔會太鹹，而且又冇乜油膩感覺，因為廚
去到呢間野有熟悉的感覺，食野既人唔多，黎到就有位。藍白間既枱布，充滿希臘式情懷，加上坐餐廳外面，有種置身希國既感覺，卻忘掉大埔曾是傷心地。
然要叫返杯啤酒啤啤佢，望到大大個poster印住” Hoegaarden Rosee”，睇落都幾吸引，就叫左呢杯試吓。飲落冰涼透心，望落有點粉紅色既桑梅味道清甜略帶酸澀，唔會好苦仲帶有點花香，雖然啤酒既酒精濃度唔高。
“Grill Beef Short Ribs with Balsamic Sauce”牛排肉質結實，油脂分佈平均，烤既時間控制得好，切開見到裡面仲係粉紅色，唔會過生或過熟，能鎖住肉汁，口感爽又鮮甜，淋上酸甜既黑醋汁，開胃之餘亦提升左牛排既鮮味，底下既翠玉瓜及薯條雖然係配菜，但吸左牛排既油香及黑醋汁既甜酸後，同樣好食。
食德國菜”德國咸豬手”唔少得吧，呢碟亦都係餐廳招牌菜，上枱時見到豬手肉色燒得好靚，外皮卜卜脆，肉質又嫩口，味道唔會太鹹，而且又冇乜油膩感覺，因為廚師已預先將皮下的脂肪去除，非常貼心。另外，唔好睇個薯蓉賣相咁醜，其實食落好好味嫁，味道淡淡既薯蓉可中和豬手鹹味。
這隻” 法式燒春雞”不是德國菜之一，係因為見到隔離枱食得好滋味，所以又點黎試試。即叫即製既關係，所以大約等左20分鐘食物先上枱，熱辣辣既燒春雞未食已經聞到好香，體型細小骨架柔軟，外皮烤到有點脆口，但亦能鎖住肉汁，肉質細嫩鮮美，非常香口、惹味。薯條即炸非常脆身，咬落好實在，重點在於個沙律醬，有淡淡既蛋黃味又帶點香草香，呢刻覺得比起配茄醬更好食。
张贴
