阿爺燒鵝餐室 (已結業)

今日經開西灣河，諗起上次d師奶介紹過呢間，話諗唔到煮麥果陣麥斬料或者買個飯盒囉。 又有一次lunch time 見呢度食山人海，咁當然系繁忙時間之前，去買靚料喇餵。 30蚊雞脾 有白切同油雞脾可揀，咁我食開油脾。大過手掌，皮薄肉嫩。其實一個人都食到一隻。 20蚊紅布腸 呢個系老公指定要既，我就覺得偏鹹。不過可能食開腸仔既人都鍾意食咸野，所以渠狂話正，送飯一流 50蚊燒骨 呢個系小朋友指定既，因為甜甜地 ，好好食。 50蚊買到小朋友喜歡既食物，勁抵。 50蚊叉燒 呢個一家大細都岩，餐廳用既汁幾惹味。加上多人光顧就好新鮮呀。