Amusement Eatery (已結業)

今日妹妹帶我去食西餐《Amusement Eatery》。店內地方唔錯，好適合飲酒傾計，另外有一些戶外位。牛油果沙律~牛油果剛熟好香，蔬菜車厘茄都好新鮮，仲有紅菜頭、南瓜及合桃，加入酸酸甜甜沙律汁，十分醒胃。蟹肉忌廉芝士炸雲吞~即點即炸非常香脆，忌廉芝士好香滑，雲吞數量多少少更理想。西班牙黑毛豬鞍~上菜時香噴噴，好大件好厚，賣相已經好吸引，豐富肉汁，醃得好夠味，烤得好香口，切開紋理好清晰，咬落好有口感，一啲都唔韌。南美芝士粟米蛋糕~芝士蛋糕質地好香滑，加入粟米好特別，粟米的味道並沒有搶去芝士味道，各顯特色也非常夾。韓國啤酒Terra~天氣炎熱，飲冰凍啤酒好爽，這款韓國啤酒比較清新，容易入口。