Green Common (海港城) (已結業)

餐餐都做食肉獸，久唔久要‘素’一餐。放寬晚市堂食，即嚟呢度素一素。未來黑椒漢堡加配薯條每次都會叫‘未來漢堡‘，完全唔覺佢唔係肉！個醬汁配得好好味，同平時食牛肉漢堡啲醬汁一樣嘅，但唔會太濃。薯條係見到薯皮，感覺唔係機械式製造，唔似係一般快餐店嗰啲。呢個比較脆同粗身啲。韓瘋辣味雞柳意粉泡菜味好濃，辣辣的，正呀。‘雞肉’應該係豆製品，唔‘鞋’口，青檸菠蘿梳打飲品選擇都唔少，唔止得咖啡檸茶。呢個凍飲，配埋漢堡，唔錯。