頭啖湯

营业中

休息中

呢排放假做多左運動，個人胃口都大左，走左去打邊爐彌補番自己消耗左的。呢間鋪頭附近人流唔算多，但係入面唔少台都一早俾人book左。除左火鍋之外仲有泡飯同老火湯。火鍋的選擇唔算太多，四款之中揀左椰子雞湯。雖然係半份雞但係都有最少6,7件雞胸，一隻雞腳同兩件雞翼尖。試飲頭啖湯飲落幾清甜，應該係黎自椰子的味，不過有番幾塊椰子片係個湯度就更好。煲出黎的雞油都唔少，不過對味道無咩影響。因為湯本身都多料同唔係任食，所以自己叫得唔算多餸。 墨魚丸算係有驚喜果個，咬落爽口彈牙，落的墨魚好足料，唔會咬到好粉下。豬肉片望落唔算大塊，不過係卷起左先有呢個錯覺。 就算煲耐少少都唔會太硬。 另外叫左一個蚌拼盤，即係桂花蚌加珊瑚蚌。夾上手都唔細，整熟的時間唔駛太耐，同湯的鮮甜味幾夾。後加的湯都係用番同一款湯，所以同初頭飲果時都係一樣咁鮮甜。 小小minor位就係叫的橙汁雖然係鮮榨，不過飲落去味道幾淡下。