漢堡王 (已結業)

尋晚發牙痕同娘親講一係今日行大佛，一係過大海。最後大霧日子都去寶蓮寺睇大佛。咁順路，當然再由東涌撘去機場T2食burger king做晚餐啦。要左1 set Whopper Jr. 同埋Fish burger，一份改做洋蔥圈。相信係因為少人幫襯，所以大部份食物都係要等佢即做，全部食物都熱架。娘親平時都少食麥記，未食前佢話Burger King咪又係食果d 野，冇特別。到食完都話塊牛肉真係好食好多(佢老人家都未試埋Triple O's呢) Fish burger 塊魚好味，有生菜食落又冇咁漏。食到好飽，外賣兩個蘋果批都冇食過。批俾我哥消滅左，佢就話凍左食都ok，好過麥記。佢同我都一樣，最鍾意洋蔥圈同Fish burger。