樂天皇朝 (雅蘭中心)

营业中

休息中

鐘意食上海菜既我，真係隔個3 5 7日就想食，而且都想試下不同既店舖。樂天皇朝既8色小籠包咁出名緊係試過，當中黑松露味真係令我念念不忘，所以約朋友嚟食多次。先叫2個冷菜。陳皮五香牛肉$58-牛𦟌相當入味好好食，食落有少少陳皮香，調味啱啱好唔會過喊。香辣蒜泥白肉$65-鐘意白肉包住青瓜絲，食落冇咁油膩。配埋少少辣椒一啖一個，有辣有麻好刺激，有青瓜絲解膩，可以接著食多幾舊。四川水煮牛肉$188-呢個對小編嚟講實在太辣，不過都食左少少牛肉。牛肉幾嫩，麻辣味好重，仲有啲粉條同豆皮係入面，份量都多。黑松露小籠包$98 6粒-終於都到小籠包出場，有6粒同10粒可揀。淨係想食黑松露味所以叫左6粒黑松露小籠包。皮薄餡靚，食落好香黑松露味，食幾粒都唔夠。可惜肉質有啲散，冇上一次食咁實。整體嚟講都好食。