大興餐廳 (第尾牛扒)

营业中

休息中

今日去旺角買倉鼠，行行下唔覺唔覺就去到佐敦，所以無特別返去旺角食野，諗住係佐敦食就算。之後見到大大個第尾牛扒招牌，都好似差不多成半年無食過，一於就揀佢啦！第尾既質素其實keep得唔錯，每次黎食既野味道都差不多。今次食肉眼扒薯菜配黑椒汁，五成熟。上枱聽到滋滋炸炸聲已經好正，未食先興奮。個肉眼比想像中厚，切開仲見到粉紅色的肉，入口唔覺得好鞋口，亦唔會難咬，雖然係比唔上d高價餐廳牛扒，但以呢個價錢黎講，第尾其實cp值好高。唯一有少少唔好，就係個汁對我黎講太多，下次可能要叫少汁會好d，唔使次次都咁論盡，搞到d汁飛哂出去。