樂天皇朝 (利舞臺廣場) (已搬遷)

《鮑魚炒飯》
炒飯面頭真係有一大隻鮑魚
相當彈牙嫩滑 入哂味
下面嘅炒飯亦都色香味俱全
用上砂鍋更加係有飯焦 正

《蟹粉鍋貼🦀🥟》
超中意食蟹粉 呢個鍋貼滿足哂我
脆薄既外皮包住滿滿既蟹粉
一咬落去黃油㬓哂出黎 又香又濃

《原味小籠包》
雖然呢度有唔同顏色同唔同味道嘅小籠包選擇
但係我每次嚟都係食返原味
可能個人比較鍾意簡單啲 鍾意傳統嘅味道
小籠包皮薄餡靚 咬落去有濃濃嘅湯汁

《上海風味醬鴨》
醬紅色帶光澤既外觀好誘人
望落似風乾咗嘅鴨 食落就知鴨肉仲好好柔軟
唔會過鹹 少少帶甜 濃郁醇厚